Ka whakarewaina te kaupapa o ‘Te Reo Waiātarere o Tautoro’. I tū te whakarewatanga ki te marae o Mahukiterangi ki Tautoro i te rohe o Te Taitokerau. Ko te kaupapa o te rauemi nei he whakatairanga i te reo, i te hītori me ngā kōrero a ngā whānau me te hapū whānui o Ngāti Moerewa me Ngāti Rangi. Ki tā te Kaiwhakahaere o te kaupapa, arā, ki tā Kristina Te Whata, “I whānau mai te kaupapa i te aroha me te manawanui ki te reo o te kāinga. Ko te tūmanako, nā te tānga o ngā kōrero nei ka ora tonu ēnei kōrero i roto i ngā whānau o Tautoro.”

E aro nui ana te rauemi ki te reo o te kāinga, otirā, e hāngai ana hoki ki te whakatairangatanga o te huringa o te 40 tau o Te Wiki o te Reo Māori ( i tū i te 27 Hōngongoi – 2 Hereturikōkā 2015). Ka whakamihia te kaupapa o Te Wiki o te Reo Māori, arā, ko ‘Whāngaihia te reo ki ngā mātua’. Ko te whāinga o te kaupapa nei, ko te whakatītina me te tautoko i te kōrerotanga o te reo Māori i waenganui i ngā mātua, i ngā kaitiaki rānei me ngā tamariki i ia rangi.

 

Whakapā atu ki a Kristina Te Whata ki 027 947 4352, ki angakimua@gmail.com rānei mō tētahi kape o Te Reo Waiātarere o Tautoro. Ko te koha anake te utu hei hāpai i te whakaputanga me ngā rangahautanga o tēnei taonga. Ka āwhina hoki ngā koha i te whakahoutanga o te marae o Te Riingi ki Mahukiterangi i Tautoro.