Kei te tautoko Te Puni Kōkiri i te rewanga o Matariki

Published on Rāhoroi, 01 Hōngongoi, 2017

Kei te tautoko Te Puni Kōkiri i tētahi whakaaturanga kākahu hei whakanui i te wā o Matariki i Te Waipounamu.

He mea whakahirahira te wā o Matariki i te maramataka Māori, otirā, e kīia ana, ko te tau hou Māori hoki tēnei.

Hei tā te Kaiwhakahaere ā-rohe o Te Puni Kōkiri, arā, ko David Ormsby, "He wā whakahirahira te wā o Matariki. Kei te whakanui tātou i ngā momo hapori, i ngā ahurea, i ngā reo, i ngā tikanga, i ngā whakapono me ngā kōrero tuku iho. Kei te whakanui te whakaaturanga kākahu o Mātariki i ō tātou tāngata, i ō tātou hapori, i tō tātou ahurea, otirā, ko ngā pūmanawa me ngā pūkenga i takea mai i te rohe nei.

Ko te tuarua tēnei o ngā whakaaturanga kākahu kua whakatūria e Te Whare o Manaaki Tangata Trust i te wā o Mātariki. Ka tū te hui ki te Memorial Hall. Ko te kaupapa matua ko te whakanui i te wā o Matariki me te hapori whānui.

"I tērā rua tau, nā Amelia Taylor o Te Whare o Manaaki Tangata Trust tēnei kaupapa i ārahi. Nui atu i te 200 ngā tāngata i tae atu ki te whakanui i te whakaaturanga kākahu o Matariki. Ka nui ake anō ngā tāngata ka tae atu ki te hui i tēnei tau, waihoki, he mea nui te whakakao mai i te hapori nō muri mai i ngā rū whenua. Kei te whakakotahi tātou i a tātou anō ki te whakanui, ki te whakatairanga i ngā pūmanawa me ngā pūkenga o ngā tāngata o tēnei takiwā."

Mā te whakaaturanga kākahu ka kitea ngā  mahi a ngā kaihoahoa kākahu o te rohe nei. Mai mua ki muri, he mea whakahaere tēnei whakaaturanga nā ngā rangatahi, nā ngā whānau me ngā hapū o te rohe.

Kei te whakapakari tēnei whakaaturanga i te kaha me te mana motuhake o ngā rangatahi, o ngā whānau, o ngā hapū me ngā iwi o te rohe. "Mā te whakaaturanga nei ka whakakotahihia ngā whānau me te hapori i raro i te kaupapa o Matariki. He mea whakahirahira tēnei," te kī a Mr Ormsby.

KUA MUTU

Nicky Birch, Communications Manager
027 762 7293
nicky.birch@tpk.govt.nz

Back to top