I tēnei marama i whakamaumaharatia te huritau 40 o te Taraipiunara o Waitangi e ngā kaiwhiriwhiri me ngā kaimahi o te Taraipiunara. I hono ā-waea whakaahua atu te Minita Whanaketanga Māori, a Minita Flavell i Haina ki te tuku mihi ki Te Rōpū Whakamana i Te Tiriti o Waitangi mō tā rātou mahi nui. I mihi ia ki a Matiu Rata kua hinga atu rā mō tāna mahi ki te whakatū i Te Rōpū Whakamana i Te Tiriti o Waitangi.
Published: Rāhina, 09 Whiringa ā-rangi, 2015 | Monday, 9 November 2015
Nō te Whiringa-ā-rangi i te tau 1974 i tā Hōnore Matiu Rata whakatakoto i te Pire mō Te Tiriti o Waitangi, i kī ai ia, “Ahakoa ka taea te titiro ki te Tiriti hei rawa mā te motu whānui hei hāpai ana i te taupuhipuhitanga kua toitū i ngā tau 134 kua hipa, ki a ngāi Māori he kawenata tiaki mōtika. Ko te whakaea hōnore te tino aronga o te Pire. Ko tāna ko te tuku ā-tinana, ā-ture hoki ki te whakaaro mau roa me tautoko tonu ka tika tō tātou whenua i te wairua o te Tiriti.
Nā te Ture mō Te Tiriti o Waitangi 1975, te Taraipiunara i whakatū hei kōmihana tirotiro pūmau e tonoa ai ki te whakatau whakaaro mō ngā kerēme i whakatakotoria e ngā iwi o te motu e pā ana ki ngā mahi i mahia, tē mahia rānei e te Karauna ka takahi pea i ngā taurangi o te Tiriti o Waitangi.
Mai i tōna whakatūranga, kua whakaputahia e te Taraipiunara neke atu i te 133 pūrongo, e kapohia ai ngā whakawā i roto i ngā tau, te rangahau, me ngā tūtohunga mō ngā kerēme i tonoa.
He mea nui ki te Minita ko te hiranga o te hunga taha ture nā rātou te whai wāhitanga i whakarato ki ngā iwi me ngā hapū ki te whakatakoto i ā rātou tāhuhu kōrero ki te mauhanga tūmatanui hei pānuitanga mā te marea. Ko tā te Minita korero whakakape ko te mihi atu ki te Taraipiunara mō te mahi nui i ngā tau maha i whakakōrerohia ai ngā kerēme i kawea ai e ngāi Māori kia rangona ai.