He ahurei i whakatūria e Ngāti Porou hei whakanui i te tau hou Māori arā a Matariki. He konohete i whakaritea ki Rangitukia hei whakangahau i te whakaminenga ko ngā kaiwaiata nō te rohe whānui o Te Tairāwhiti, nō Ōpōtiki me Wairoa.

I runga i te tautoko a Te Puni Kōkiri, koinei te wā tuatahi i tū ai tēnei ahurei. Ko ngā waiata Māori, ngā kai Māori me ngā momo whakaaturanga toi Māori katoa i whakakoakoa i te marea.

Kei te mihi te kaiwhakahaere o te ahurei a Paora Brooking ki ngā rōpū me ngā tāngata tautoko, ā kāre e ārikarika ana mihi ki te hau kāinga. Ko te tūmanako, ka tū te ahurei ia tau.