He kaimahi hauora whānui a Loretta Nicoll (Ngāti Raukawa, Ngāti Tūkorehe) kua roa ia e mahi ana i te ao haumanu.

“E ngākau nui ana ahau ki te hauora, te oranga o te hinengaro, te tinana me te wairua,” hei tā Loretta Nicoll.

“Ko te mahi a ngā takuta e aro noa nei ki te hauora o te tinana engari anō ko taku mahi he noho tahi he kōrero tahi me te titiro ki ngā momo mate katoa o te tangata,” hei tāna.

Kei te mōhio hoki a Loretta ki ngā tohunga maha o ngā tini ao hauora ki te āwhi i ana kiritaki mēnā e hiahiatia ana.

Kei te kāinga a Loretta i Papakura tana whare hauora e kīa nei The Complete U, ko te wawata nui a Loretta a ngā marama ka taea e ia te hūnuku ki tētahi whare hauora motuhake.

Kei te āwhina a Te Puni Kōkiri i te pakihi a Loretta ki te whakawhanake i tētahi paetukutuku mōna me te whakawhanaungatanga ki ngā kaipakihi Māori o te rohe.

He rawe te tautoko a Te Puni Kōkiri i taku mahi ko ngā kaiārahi he matatau ki ā rātou mahi nā reira kei te whakarongo ahau ki ā rātou tohutohu katoa kia toitū taku pakihi, hei tā Loretta anō. Kua roa nei a Loretta i te ao hauora whānui i tērā tau i te whenua o Thailand ia e mahi ana, e ako ana, e poipoi hoki ana ōna pukenga.

I kuraina e ia ki Te Kāreti o Wellpark i Tāmaki Makaurau ka riro ki a ia tana tohu haumanu me te mea nei kei runga hoki a ia i te rārangi rehita o ngā kaihaumanu katoa.

Mo ētahi atu whakamāramatanga whakapā atu ki a Loretta: 09 298 0131.