Ko te whakaatu ki te ao whānui i te ataahuatanga o ngā toi a ngā iwi maha o Te Moananui ā Kiwa te kaupapa matua o tētahi ahurei i tü ki Hāmoa Amerika.

Mō ngā wiki e rua ki Pago Pago, Hāmoa Amerika i whakarauika atu ai ngā pukenga toi ki te wāhi kotahi. I tae atu te tini me te mano ki te titiro ki ngā momo mahinga toi i whakaaturia mai.

I reira hoki ko ngā pukenga toi Māori me te kapa haka o Whangārā Mai Tawhiti ki te whakanui i te ahurei.

I pā kau te ope o Aotearoa i te wana ki te whakatuwheratanga o te ahurei i te wā i whakapuaretia ai te ingoa o Aotearoa ki mua i te whakaminenga tekau mano tāngata te rahi.

Hei tā Derek Lardelli o Whangārā Mai Tawhiti, “kei te ora pai ō tātou whanaunga, i rongo au i te ihi, te wehi me te tapu i waenganui i a tātou katoa.”

Nā Creative New Zealand te ope a Aotearoa i tautoko kia whai wāhi ai ngā pukenga o Aotearoa ki te ahurei. Rahi ake i te kotahi rau rua tekau tāngata i haere hei kanohi mō Aotearoa.

I tü te ahurei tuatahi ki Suva i Whïti i ngā tau toru tekau mā rima kua pahure ake nei.

I kï a Tā Ratu Kamasese Mara, i a tātou e whai oranga ana i te ohanga ko te oranga tangata te kaupapa matua, otirā ko te oranga o ngā tikanga te pütaketanga o te oranga tangata.