Kua whakamāoritia te rapunga ipurangi nui rawa o te ao a Google ki te reo Māori.

I whakaterea te Google Māori nei ki Te Wānanga o Aotearoa i Rotorua i Te Wiki o te Reo Māori 2008 e Potaua rāua ko Nikolasa Biasiny–Tule mai i www.TangataWhenua.com.

I tērā tau i tono te tokorua nei ki ngā tohunga reo Māori kia āwhina mai rātou ki te whakamāori i a Google. He rōpü nui i takea mai i Aotearoa ki te āporonui i Amerika ki te whakatutuki i te kaupapa nei.

He nui ake i te waru mano kupu i whakamāoritia mō te kaupapa nei.

Ināianei kei roto katoa ngā kupu, ngā karere, ngā pātene me ngā rapunga kaupapa i te reo Māori.

Hei tā te Kaiwhakahaere Matua o Te Taura Whiri i te Reo Māori a Huhana Rokx, he whakahirahira te hangarau ipurangi hei whakawhiti i te reo Māori, te mātauranga Māori, te tuakiritanga o te Māori me ngā tikanga Māori hoki ki te ao whānui.

Hei tāna, ka ora te reo i te ao hurihuri nei i ngā momo kaupapa me ngā ara titiro whakamua pēnei i te Google Māori. Tirohia te paetukutuku: www.google.co.nz pēhia ko te kupu Māori ki te whārangi matua kātahi ka hurihia te katoa ki te reo Māori.