Ki te pakaru āu taea motokā ki te rohe o Te Matau ā Māui, kei Heretaunga tētahi kamupene Māori e whakatina taea ana.

E ono tau te pakeke o Te Toa Taea Iti, arā The Little Tyre Shop, he pakihi nō Jason van Manen o Ngāti Kahungunu.

Rahi ake i te rua tekau tau a Jason e mahi taea ana mā etahi atu, ā, i toko ake ai te whakaaro me whakatū a ia i tōna ake kamupene.

I te tīmatanga ko ia anake me tōna waka haere ki te whakatina i ngā taea o ngā motokā. Engari ināianei kei a ia tētahi toa, tokotoru hoki ana kaimahi.

Mo ngā marama tekau kua pahure ake a Te Puni Kōkiri e tautoko ana i a Jason me tana pakihi.

Hei tā Jason ko te mea pai ko te kōrero ki tētahi e pā ana ki ngā momo take pakihi o te wā.

I āwhina a Te Puni Kōkiri i a Jason ki te hoko i ētahi mihini taea mō tana pakihi.

Hei tā Henry Heke, te kaiwhakahaere pakihi ā rohe mō Te Puni Kōkiri ki Takitimu, kei te tino mōhio a Jason ki tana pakihi me te huarahi kei mua i a ia.

Ko tā Jason ki te hunga e whakaaro nui ana ki te whakatū i tētahi pakihi, “kaua e mataku ki te tīmata mai i te tīmatanga.”

Ko te pae tawhiti e ai ki a Jason, ko te whakatū i ētahi atu toa, huri noa i te motu.

Mō ētahi atu whakamāramatanga waea atu ki a Jason 06 870 7385.