Kotahi mano kotahi rau ngā kaihoe, waru tekau ngā kura i roto i te Whakataetae Waka Ama ā Motu mō ngā Kura Tuarua i te tau 2007, i tū ki te moana o Ōkareka i Rotorua.

E toru tau a Te Waiariki Purea Trust e whakahaere ana i te whakataetae nui nei.

E ai ki tōna kaiwhakarite a Kelley Korau, ahakoa te marangai, i tutuki pai te whakataetae i te kitea atu o te hunga rangatahi e whai wāhi ana ki te kaupapa.

I haere ngā hōnore nui e rua i tēnei tau ki Tūranganui ā Kiwa. Tuatahi ko Te Kura Tuarua mō ngā Taitamawahine. Tuarua ko Te Kura Tuarua mō ngā Taitamatāne. I riro te taonga whai wāhi i Te Kura Tuarua o Onehunga.