Nō Whāngārā Mai Tawhiti te hōnore nui, i ōna taha ko te kapa rongonui a Te Waka Huia me Ōpotiki Mai Tawhiti. Engari pea nā ngā mahi a rēhia te wikitoria!

Ko te ihi me te wehi tērā i pakaru mai i ngā kaihaka o ngā kapa toru tekau nō ngā rohe tekau mā toru. Ko te papa whakatū waewae hoki tērā i pakaru i a waewae takahi.

Hei tā te heamana o Te Matatini a Tama Huata, ko ā tātou tikanga, ā tātou mahi, ka mutu ngā mahi haka te toa.

Hei tāna, he rangatira te tū a ngā rōpū katoa.