He rangahau te pakihi a Jodie Robertson (Ngāti Maniapoto, Ngāiterangi, Ngāti Rnaginui) kua roa ia e whakahaere i tana pakihi e kīa nei Te Raukura Rangahau.

Ko taku hītori mahi he rangahau, he arotake i ngā tini kaupapa mo ngā tini rōpū me ā rātou kaupapa maha, hei tā Jodie.

“Nā reira i toko ake te whakaaro ki te mahi mōku i waenganui tonu i te iwi ki te āwhi i ō rātou wawata, me te mea nei ka whānau mai taku pepi ka tīmata mai taku pakihi,” hei tāna.

Ko ngā mahi rangahau kua oti kē i a Jodie mō ngā rūnanga, ngā rōpū Māori, ngā tari kawanatanga, ngā kaunihera a rohe, ngā whare wānanga hoki me ētehi atu.

Kei te arohanui hoki a Jodie ki te awhi i ngā rōpū hapori i te mea kua mōhio kē ia he hiahia motuhake ēnei momo rōpū ki ana pukenga ki te paneke whakamua ā rātou kaupapa arohanui mo te iwi.

“Mo ngā rōpū Māori mai, hapori whānui mai ka whakaaro ake au ki te whakaheke i te nama ki te tautoko i a rātou kaupapa,” hei tā Jodie.

Katahi anō ka mutu i a Jodie tana mahi tuturu ki Te Kaunihera Whakatūpato Waipiro o Aotearoa i reira ko tana mahi he whanake i ngā kaupapa whakatūpato waipiro mo te hunga rangatahi.

Ahakoa tēnā, he kirimana kohikohiko tonu tāna mo Te Kaunihera Whakatūpato Waipiro o Aotearoa kei raro tonu i tana pakihi.

Kua tuhono atu Te Raukura Rangahau ki te Ratonga Kaipakihi Māori a Te Puni Kōkiri kia pai ake ai te pānui atu i tana pakihi ki te marea.

“He tino pai te awhi me te tautoko a Te Puni Kōkiri i taku pakihi,” hei tā Jodie. Mo ētehi atu whakamāramatanga ki te hiahia rānei koe ki te kōrero ki a Jodie whakapā atu mā te īmera: teraukura@ihug.co.nz.