Nā Te Puni Kōkiri i whai wāhi ai tētahi rōpü Māori me tōna whānau ki ngā taumata Ratonga Tiaki Tamariki i waho i te Kura, arā a OSCAR.

I te Mahuru i te tau 2006 i whakamanahia ai te rōpü e kïa nei ko Ngā Whetü o Matariki e OSCAR hei ratonga tiaki tamariki i waho i te kura.

Ko tā Ngā Whetü o Matariki he whakahaere i ngā kaupapa manaaki i ngā tamariki e rima tau ki te tekau mā toru tau te pakeke, ā muri i te kura me ngā hararei o te kura.

Hei tā Paraihi Paul kaiwhakahaere matua o Ngā Whetü o Matariki, ko tētahi o ngā hua i kitea i roto i te arotakenga o te Ratonga Tiaki Tamariki i waho i te Kura, ka kite, ka rongo hoki ngā mātua me ngā kaitiaki tamariki i ngā piki me ngā heke o te mahi tiaki tamariki.

Kō atu i te kotahi rau e rua tekau ngā tamariki kei roto i te kaupapa i ngā hapori e toru, huri noa i te rāwhiti o Te Waiariki. E whā ngā wāhi manaaki tamariki e whakahaeretia ana e te rōpü nei ki Whakatāne, Kawerau me Taneatua.