E hāngai ana tēnei tauāki matatapu ki ngā pārongo whaiaro e kohia ana i te paetukutuku a Te Puni Kōkiri.

Kaupapa

Ko te kaupapa o tēnei tauāki matatapu ko te whakamōhio atu ki te hunga e toro mai ana i te paetukutuku a Te Puni Kōkiri hei āwhea ka kohia ngā pārongo whaiaro, waihoki, he aha rā hoki ngā momo whakamahinga o aua kōrero. Hāunga ngā momo whakamahinga kua whakatakotohia i roto i tēnei tauāki, ka kore mātou e whakamahi, e tuku atu, e whakaatu rānei i ngā pārongo whaiaro ka tae mai ki a mātou mā te paetukutuku nei.

Whānui

E hāngai ana tēnei tauāki matatapu ki ngā pārongo whaiaro e kohia ana i te paetukutuku a Te Puni Kōkiri: www.tpk.govt.nz.

Te kohikohi, te rokiroki me te whakamahi

E āhei ana te tangata ki te toro matahuna mai i te paetukutuku o www.tpk.govt.nz me te kore tuku mai i ētahi pārongo whaiaro.

Te homai noa i ngā pārongo whaiaro

Tērā ka homai noa e koe ētahi pārongo whaiaro mā tēnei paetukutuku (hei tauira ko te whakakī puka urupare, ko te rēhita ki te whiwhi pānui whakamōhio, ko te whakakī puka rangahau rānei).

Tērā anō ka āhei ngā kaiwhakahaere paetukutuku, ngā kaimahi a Te Puni Kōkiri (me mātua whaitake) rātou ko ngā kaikirimana nō waho o te tari e whakahaere ana, e whakatika ana rānei i te paetukutuku, ki te kite i aua pārongo.

Ngā karere ā-hiko, ngā pānui me ngā puka rangahau

Ka rēhita koe ki te whiwhi i tētahi o ā mātou karere ā-hiko, ā mātou pānui rānei, ka whakakī rānei koe i tētahi puka rangahau, tērā ka puritia ngā taipitopito kōrero ki tētahi puranga rokiroki ki waho atu o tēnei tari (hei tauira ko te Campaign Monitor, ko te SurveyMonkey rānei). Ka tonoa koe ki te tuku mai i tō ingoa me tō īmēra kia āhei ai mātou ki te tuku atu i ngā pānui ā-hiko ki a koe. Ki te whakakorehia e koe tō rēhitatanga ki tā mātou karere ā-hiko, ki tā mātou pānui rānei, ka whakakorehia ō taipitopito kōrero mai i te putunga raraunga.

Te kohikohi pārongo whaiaro

Tērā ka tono pārongo whaiaro a Te Puni Kōkiri i a koe e whakakī ana i tētahi puka ā-ipurangi (hei tauira ko te pukatono pūtea, ko te puka urupare a te paetukutuku, ko te rēhita ki te whiwhi karere, pānui whakamōhio rānei, ko tētahi puka rangahau ā-ipurangi rānei).

Te rokiroki pārongo

Ka hoatu e koe ngā pārongo whaiaro, hāunga tētahi take motuhake, ka noho aua kōrero ki Te Puni Kōkiri. Tērā ka rokirokihia, ka toroa rānei aua pārongo e ngā kaimahi nō waho atu o te tari e whaimana ana ki te toro atu ki aua kōrero (hei tauira ko ngā kaikirimana nō waho), waihoki, ko ngā kaimahi e whakahaere ana, e whakatika ana rānei i te paetukutuku. Ka rokirokihia, ka puritia ō pārongo whaiaro i runga i ngā tikanga a te Privacy Act 1993. E herea ana ngā kaimahi katoa e wha wāhi ana ki aua pārongo e ngā tikanga tiaki me ngā tikanga matatapu a Te Puni Kōkiri.

Te whakamahi pārongo whaiaro

E āhei ana Te Puni Kōkiri ki te whakamahi i ngā pārongo whaiaro kua tukuna ki a mātou mā tēnei paetukutuku hei whakatutuki noa i te take i homai e koe aua kōrero (hei tauira ko te whakahaere, ko te arotake, ko te whakapai ake rānei i te paetukutuku, ko te whakapai ake i ā mātou ratonga, ko te whakatutuki, ko te whakautu rānei i te take i tukuna mai ai ngā pārongo). E āhei ana hoki mātou ki te whakamahi i ngā pārongo whaiaro kua tukuna mai ki a mātou mā te paetukutuku nei hei whakaea i ngā take e whakaaetia ana i raro i te Privacy Act (hei tauira, kua tuku whakaae mai koe, e hāngai te kaupapa ki te kaupapa i tukuna mai ai ngā pārongo, e whakaaetia ana, e pīrangitia ana rānei e te ture).

Te whakaatu pārongo

Ka kore Te Puni Kōkiri e tohatoha i ngā pārongo whaiaro i homai, i kohia rānei i te paetukutuku nei, hāunga te take i homai e koe aua pārongo (hei tauira ko te tirotiro i tētahi amuamu), ko tētahi atu take rānei kua whakaaetia e koe. Heoi anō, ka kore Te Puni Kōkiri e whakaatu i ngā pārongo whaiaro i homai, i kohia rānei i te paetukutuku nei, atu i ngā tono, i ngā take rānei e whakaaetia ana i raro i te ture.

Ngā kohinga me te pupuri pārongo whaiaro

Ka puritia e Te Puni Kōkiri ngā pārongo whaiaro mō te wā e whaihua tonu ana aua pārongo hei whakatutuki i te take i homai ai, waihoki, mō te wā e tika ana i raro i te ture.

Ngā kohinga tūmatanui

Mēnā e kīia ana he pārongo tūmatanui ngā kōrero e tukuna mai ana ki tēnei paetukutuku (ko ngā pārongo whaiaro anō tēnei) ka puritia aua pārongo e ai ki ngā tikanga o te Public Records Act 2005.

Tērā ka tonoa Te Puni Kōkiri ki te whakaatu i ngā pārongo i raro i ngā tikanga o te Official Information Act 1982, ki te hoatu rānei ki tētahi o ngā Kōmiti Whiriwhiri a te Pāremata, ki te Whare Pāremata kē rānei hei whakautu i tētahi Pātai ki te Whare Pāremata.

Ngā āheinga ki te tiki atu me te whakatikatika kōrero

Ō āheinga

E āhei ana koe:

• ki te tono whakamārama e pā ana ki ngā pārongo whaiaro e puritia ana e mātou mōu ake
• ki te tiki atu i aua pārongo, waihoki, mehemea e whaihua ana
• ki te tono mai kia whakatikaina aua pārongo

Tērā, i runga i tētahi take whaihua, ka whakahēngia e Te Puni Kōkiri tō tono ki te whakatikatika i ō pārongo, e āhei ana koe ki te tono kia tāpirihia mai tētahi whakamārama e whakaahua ana i te whakatikatika i whāia engari kāore i tutuki.

Mehemea e pīrangi ana koe ki te tirotiro i ngā pārongo whaiaro kei a mātou, tēā koa tuhi mai ki:

Te Āpiha Take Matatapu
Te Puni Kōkiri
Pouaka Poutāpeta 3943
Te Whanganui-a-Tara 6140
privacy@tpk.govt.nz

Mō ētahi atu pārongo e pā ana ki ngā ture matatapu o Aotearoa me ngā whakapānga o Te Mana Matapono Matatapu, tēnā koa tirohia te paetukutuku o Te Mana Matapono Matatapu.

Te whakamahi pihikete hei kohi raraunga mā te Google Analytics

Tērā ka whakamahia ngā "pihikete" hei kohikohi raraunga e pā ana ki ngā momo toronga i tētahi paetukutuku. Ka kohia ēnei kōrero mā tētahi pūrere ipurangi, ko Google Analytics te ingoa. E āhei ana ngā kaiwhakahaere paetukutuku rātou ko ētahi kaimahi motuhake a Te Puni Kōkiri ki te kite i aua raraunga. Tērā pea ka tohaina ēnei kōrero ki ētahi atu tari kāwanatanga. Ka whakaemitia ēnei pārongo, heoi anō, e kore e taea te tautohu i te tangata takitahi mōna aua pārongo.

E āhei ana koe ki te pānui i te tauāki matatapu a Google, waihoki, ki te tiki ake i tētahi pūrere ki te Google Privacy Centre hei whakawetewete i ngā here a Google Analytics.

Ngā pihikete

He kōnae ā-tuhi ngā pihikete pūtirotiro, ngā pihikete ā-ipurangi rānei. He mea tuku atu nā tētahi paetukutuku ki te pūmahara o tō rorohiko hei kohikohi mōhiohio e pā ana ki tō whanonga i a koe e toro ana i te paetukutuku.

Ko te mahi a ngā pihikete:

• he whai haere i ō toronga ki te paetukutuku kia āhei mātou ki te whakahāngai i ngā whakahoutanga ki ō hiahia
• he whakamōhio mai ki a mātou i ngā momo karere kua kitea kētia e koe kia kore ai mātou e whakaatu anō i aua kōrero ki a koe

E āhei ana koe ki te tinei atu i ngā pihikete. Tirohia te wāhi 'Āwhina' i tō pūtirotiro kia mōhio ai koe me pēhea te whakaweto atu (ki te tineia ngā pihikete e kore e raruraru tō toro mai i tēnei paetukutuku).

Tērā ka kohia ēnei momo raraunga:

• ko tō wāhitau IP (arā, ko te wāhi ipurangi e toro atu ana i tā mātou paetuktuku)
• ko ngā momo kupu e whakamahia ana e koe hei rapu kōrero
• ko ngā whārangi i toroa i tā mātou paetukutuku me ngā hononga i pāwhiritia e koe
• ko te rangi me te wā i toroa tā mātou paetukutuku
• ko te paetukutuku i tuku atu i a koe ki tā mātou paetukutuku (mehemea e whaihua ana)
• tō momo pūnaha whakahaere (arā, ko te Windows 10, Mac OS X, Android, iOS)
• tō momo pūtirotiro ā-ipurangi (arā, ko te Internet Explorer, Firefox, Chrome, Safari)
• me ētahi atu kōrero, pērā i te nui o ngā pika i tō mata rorohiko, te putanga o te pūrere Flash o tō rorohiko me te reo matua o tō pūtirotiro.