Ko Denise Simons (Ngāti Maniapoto, Ngāiterangi, Ngāti Ranginui) he māmā, he kuia kua tīmata i tana ake pakihi ki te āwhi tāngata. He kaiwhakaako taku turanga ko te hohonutanga o taku mahi he awhi i aku kiritaki ki te kimi huarahi whakamua hei oranga mō rātou me ā rātou whānau. Ko Relate to ingoa o te pakihi āwhina tāngata a Denise ko tōna kaupapa e whakaahua nei ki te whakataukī “He aha te mea nui o te ao he tangata, he tangata, he tangata.”

 

E toru ngā wāhanga o taku pakihi tuatahi ka noho au hei kaiwhakahaere o waho o tētahi kamupene, he whakarite wānanga, he kaiwhakaako mo ia tāngata.

Ko te mahi kaiwhakahaere o waho he uru ki roto i tētahi mahi me te mahitahi ki ngā kaiwhakahaere me ngā kaimahi ki te tirotiro ki ngā huarahi e pai ake ai te whakahaeretanga o te mahi me te whakapiki i te wairua o te kaimahi ki te whakapai i tana hinengaro mo te mahi.

Ki te whakarite wānanga he whakarite hui ā rōpū, a tāngata, mo te tokorua rānei ki te whakaohooho hinegaro ki te kōrero i ngā take e hiahiatia ana e tēnā, e tēnā.

Ko te mahi kaiwhakaako he mahi tahi me te tangata kotahi ki te āwhi i a ia ki te whakapai ake ai i āna mahi he whakatau mahere kia ea ai ngā wawata me te maha noa atu.

I tērā tau ka tuhono atu a Denise ki Te Ratonga Kaipakihi Māori o Te Puni Kōkiri ki te kawe i tana pakihi ki taumata kē.

I te whakaaro au mēnā kua tutuki katoa i a au ngā mahi kia eke taku pakihi ki taumata kē ka noho tahi ahau me ngā kaiārahi pakihi a Te Puni Kōkiri ka hanga mahere mākete i a au kia nui ake ai aku kiritaki. Mo ētahi atu whakamāramatanga tirohia ki te paetukutuku: www.relatecoaching.co.nz.